Cape Verde Independence July 5th and 6th, 1975

Na 5 di Julhu di 1975, dia komemorason di independensia Kauverdi, nu ta podi odja atraves des video, grandi movimentason di povu/kabuverdianu. Grandi partisipason di mudjeris kabuverdianas na forzas armadas. Tcheu musika, dansa, kantigas. Inda paxenxa di futurus governantis kabuverdianus dianti atitudi di portugueses di kenha ki staba ta oferesenu independensia kuandu na verdadi nu LUTA tcheu, suor, sangui y lagrimas pa konseguil.

Storia di África/Alkebulan tem kontadu gloriosus momentus di konvison y kompromisu di lideris afrikanus, sima Presidenti Aristides Pereira na formason di kabuverdi komu um nason indipendenti di “ordem kolonial” (termu usadu pa Presidenti Pedro Pires na sirimonia di ominagi a kamarada Pereira, na Asembleia Nasional, antis se funeral). Na livru Crónicas da Libertação”, skritu pa Luís Cabral, irmon de Amílcar Cabral, nu ta konxi kontributu esensial di S. Exia. Aristides Pereira.
Aristides Pereira y Amilcar Cabral planea, elabora, fomenta, funda Partido Africano para a Independência de Guiné-Bissau e Cabo Verde.
Tcheu homis y mudjeris kontribui pa libertason di Guiné y Kauberdi, mas prezensa y participason di Aristides Pereira foi fundamental, e konvivi diretamenti ku Amílcar Cabral y Luís Cabral (primeiru presidenti di Guiné-Bissau), sob o mesmu tetu.
Aristides foi sekretariu di PAIGC y, dipos morti Amilcar Cabral e kontinua objetivu kontinental di liberta povu afrikanu y garantil um sosiedadi justa sem kualker tipu di diskriminason.


Pó nu ta torna.

Abenaa.